तोलादी संस्कृति संरक्षण मन्चद्वारा ग्राफिक्स डिजाइनर सालिकलाई सम्मान ।

भाद्र, १५ आईतबार

गुल्मी मुसिकोट

तोलादी संस्कृति संरक्षण मन्चद्वारा मुसिकोट नगरपालिका ३ बडागाउँ बल्लेघाट निवासी ग्राफिक्स डिजाइनर सालिक खत्रीलाई सम्मान गरिएको छ ।

हिन्दू महिलाहरुको महान पर्व हरितालिका तीजको अवसरमा गत भाद्र ७ गते आयोजित खुल्ला तीज गीत तथा नृत्य प्रतियोगिता-२०८२ लाई सफलतापूर्वक सम्पन्न गर्न शारीरिक असहजता र अस्वस्थताका बाबजुद पनि रातदिन नभनी कार्यक्रमको  ग्राफिक्स डिजाइन गरी प्रचारप्रसार जस्तो गरिमामय संयोजक जस्तो भूमिकामा रही महत्त्वपूर्ण योगदान पुर्याउने सालिक खत्रीलाई उहाँकै निवासमा पुगेर खादा,अबिर र सम्मान पत्रसहित मञ्चले सम्मान गरेको हो ।

सालिक दोस्रो ब्यक्तिको सहायताले ह्वीलचेयर मार्फत आफू सुत्ने कोठाबाट भित्र बाहिर गर्ने व्यक्ति भएता पनि मुसिकोट लगाएतका विभिन्न ठाउँहरूमा हुने मेला महोत्सवका हरेक कार्यक्रमका ग्राफिक्स डिजाईन मोबाइल र आइप्याडबाटै गरेर सबैलाई योगदान पुर्याउने ग्राफिक्स हुन ।

सालिक, शारीरिक रूपमा अशक्त भएता पनि अनलाईन को दुनियामा सामाजिक सञ्जालमा पाइने विभिन्न क्षेत्रको जानकार व्यक्ति हुन्, उनी ह्वील चेयरबाटै पत्रकारिता पनि गर्ने गर्छन् ,उनी ओझेलका खबर, मुसिकोट न्यूज जस्ता मिडियामा आवद्ध रही खोज पत्रकारिता गर्ने ब्यक्ति हुन् ।

उनी शारीरिक रुपमा अशक्त भएता पनि निकै सहयोगी, बौद्धिक र भद्र स्वभावका रहेका छन् । उनी गुल्मी जिल्लामा रहेका विभिन्न संघ संस्थाहरुमा आवद्ध रही अनलाईनको काम गर्दै आएका छन्।

आइतबार,मञ्चका अध्यक्ष विष्णुराज भण्डारी, उपाध्यक्ष गणेश बहादुर कुँवर, कोषाध्यक्ष तिलक बहादुर कार्की, सचिव अर्जुन परियार, सल्लाहकारहरु, मधु मल्ल, झविलाल भण्डारी, यमलाल भण्डारी, सदस्यहरु, हिरा गिरी, षडानन्द भण्डारी लगायतको उपस्थिति रहेको थियो ।

प्रतिक्रिया

सम्बन्धित खवर

ताजा समाचार

लोकप्रिय